Gazetari Xhevair Zhabina tha në studion e MCN Live se vrasja e 41-vjeçarit Leartiad Keka të shtunën mbrëma në Vlorë ishte një vrasje e mirëorganizuar dhe këtë e tregon dinamika e ngjarjes. Duke vijuar më tej me shpjegimin e tij, Zhabina theksoi se është e frikshme mënyra si ka ndodhur kjo vrasje dhe se mbetet shqetësuese kontrolli i territorit nga policia.
Janë vrasës me pagesë. Viktima Leartiad Keka pavarësisht se ka qenë i përfshirë në ngjarje të vjetra kriminale, në fillim të viteve 2000 ka marrë pjesë në pengmarrjen e një kambisti në qytetin e Vlorës që ka përfunduar me vdekjen e tij në 2002, dyshohet se ka qenë i përshirë dhe në një vjedhje tjetër në qytetin e Vlorës.
Nuk më duket nga ato emra që është përfaqësues i grupeve kriminale në Vlorë. Është vrasje e mirëorganizuar, e tregon fakti që është qëlluar fillimisht nga makina dhe më pas vrasësi është kthyer sërish për të përfunduar punën.
Më shumë sesa personazhi më duket më e frikshme mënyra si ka ndodhur kjo vrasje. Autorët janë të pashqetësuar, nuk kanë asnjë frikë qëllojnë në mes të qytetit të Vlorës, kthehen sërish, e vrasin objektivin. Qëllojnë një herë, kthehen. Shqetësuese është kontrolli i territorit nga policia. Më shumë shqetësuese është mënyra si kanë ndodhur ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
