Ka nisur ndërhyrja nga ajri për shuarjen e zjarrit që ka përfshirë zonën e Rribanit, në Bashkinë Mallakastër.
Helikopteri i angazhuar në operacion po kryen hedhje uji mbi vatrat aktive të zjarrit, ndërsa në terren vijojnë pa ndërprerje punën forcat zjarrfikëse, punonjësit e shërbimit pyjor dhe strukturat e Emergjencave Civile.
Flakët, të favorizuara nga temperaturat e larta dhe era, janë përhapur me shpejtësi në një terren të vështirë, duke e bërë të domosdoshme ndërhyrjen edhe nga ajri.
Autoritetet po punojnë për izolimin e vatrës së zjarrit dhe parandalimin e përhapjes së flakëve drejt sipërfaqeve të tjera pyjore dhe zonave të banuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
