OFL në Fier, katër të dënuarit për drogë që duhet të deklarojnë pasuritë

OFL mbërrin në Fier. Katër të denuar për prodhim dhe trafikim lëndësh narkotike duhet të bëjnë vetëdeklarimin e burimeve të pasurisë.

Gentian Jakupi, banues në Fier, i dënuar për veprën penale “Trafikimi i narkotikëve”; Edmond Golloshi, banues në Fier, i dënuar për veprën penale “Trafikimi i narkotikëve” mbetur në tentativë; Vladimir Golloshi, banues në Fier, i dënuar në Greqi, për veprën penale “Prodhimi dhe shitja e narkotikëve”; Enver Brahushaj, banues në Fier, i dënuar për veprën penale “Trafikimi i narkotikëve”, kryer në bashkëpunim, mbetur në tentativë.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.