Vjedh para dhe celular në një dhomë pacientësh në spitalin e Dibrës, vihet në pranga

Një person i cili vodhi një shumë parash dhe dy celularë, në një dhomë pacientësh në spitalin rajonal të Dibrës, është vënë në prangat e policisë.

Shërbimet e Komisariatit të Policisë Dibër, sapo janë njoftuar se në një dhomë në spitalin rajonal të Dibrës, dy pacientëve dhe shoqërueses së njërit prej tyre, iu ishin vjedhur një shumë parash dhe dy celularët, kanë organizuar punën për të identifikuar dhe arrestuar autorin.

Si rezultat, u kap dhe u vu në pranga, për veprën penale “Vjedhja”, autori i dyshuar i këtij rasti, shtetasi B. M., 30 vjeç, banues në Peshkopi,

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Dibër.