Në fshatin Dukat të Vlorës, në orët e para të mëngjesit të sotëm, janë përfshirë nga flakët katër automjete betoniere që ndodheshin të parkuara brenda një kantieri ndërtimi në pronësi të shtetasit Blerti Mëhillaj.
Sipas informacioneve paraprake, dyshohet se një person ka hyrë në ambientet e kantierit, ka spërkatur mjetet me një lëndë të dyshuar djegëse (benzinë) dhe më pas u ka vënë flakën, duke shkaktuar dëme të konsiderueshme materiale. Flakët janë përhapur me shpejtësi dhe kanë përfshirë të katër mjetet.
Ngjarja ka ngritur dyshime për një zjarrvënie të qëllimshme, ndërsa në sfond përmenden edhe konflikte të mundshme të pronarit ose konkurrencë në aktivitetin e kantierit ku prodhohet dhe përpunohet betoni.
Një zjarrvënie e dyshuar ka ndodhur në fshatin Dukat në mëngjesin e sotëm, ku katër betoniere janë përfshirë nga flakët brenda kantierit të punës së pronarit Blerti Mëhillaj. Mjetet kanë qenë të parkuara kur dyshohet se një person ka hyrë në brendësi të kantierit dhe i ka spërkatur me lëndë të dyshuar benzinë dhe duke i vënë flakën, të cilat kanë shkaktuar dëme të konsiderueshme materiale. Flakët janë përhapur me shpejtësi dhe ngjarja ka ngritur dyshime për zjarrvënie të qëllimshme.
Forcat e policisë dhe zjarrfikëses kanë mbërritur menjëherë në vendngjarje, duke bërë të mundur shuarjen e flakëve dhe sigurimin e zonës. Ndërkohë, grupi hetimor po punon për zbardhjen e plotë të rrethanave të incidentit.
Janë sekuestruar gjithashtu pamjet e kamerave të sigurisë, të cilat pritet të ndihmojnë në identifikimin e autorit apo autorëve të dyshuar. Deri më tani nuk raportohet për persona të shoqëruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
