Drejtoria Vendore e Policisë Elbasan ka njoftuar sot se lidhur me një video të postuar në rrjete sociale teksa shfaqet një pasagjere që kishte dalë jashtë dritares së automjetit gjatë kohës që automjeti ishte në lëvizje, janë marrë masat për evidentimin e makinës.
Sipas policisë, pronari i automjetit është gjobitur me masën administrative 6000 lekë të rinj.
Menjëherë pas publikimit të videos, shërbimet e Sektorit të Qarkullimit Rrugor të DVP Elbasan kanë kryer verifikimet për automjetin dhe kanë ndëshkuar pronarin e tij, me masën administrative 6000 lekë të rinj, bazuar në nenin 167, pika 9, të Kodit Rrugor.
Drejtoria Vendore e Policisë Elbasan fton qytetarët të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë, konform ligjit dhe me paanshmëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
