MCN TV sjell detaje të reja nga atentati i trefishtë në Memaliaj. Burime bëjnë me dije se i plagosur rëndë ka mbetur edhe vëllai i Shyqyri Kalemit.
Në kohën e atentatit të dy kanë qenë bashkë në tavolinë kur janë qëlluar me breshëri kallashi.
Babai i Andrea Kalemit, Shyqyri Kalemi ndërroi jetë, ndërkohë, vëllai i tij Artur Kalemi ndodhet në spital dhe mësohet se gjendja e tij paraqitet disi e stabilizuar pas shumë orësh në luftë me jetën.
Ai ndodhet ne reanimacion ne Spitalin Rakonal të Gjirokastrës nën mbikëqyrjen e mjekëve kirurgë.
Artur Kalemi ka marrë dy plagë një në kofshë dhe një në kraharor çka i ka rrezikuar seriozisht jetën deri para pak orëve fill pas atentatit.
Artur dhe Shyqo Kalemi kanë qenë të ulur në një tavolinë jashtë lokalit në momentin e breshërisë së automatikut që u shkreh në drejtim të vëllait të tij.
Ndërkohë, nga atentati i vrarë mbeti edhe kamarieri Gledio Muka, 36 vjeç, i cili ka qenë afër tavolinës së shënjestrës.
Ndërsa klienti Marsel Çela ka qenë brenda në lokal dhe e kanë kapur plumbat e automatikut i cili për pasojë edhe ai humbi jetën.
Pas atentatit Forcat Speciale RENEA, Forcat Kombëtare të Sigurisë kanë shkuar në Memaliaj për të ndihmuar në identifikimin dhe arrestimin e autorëve.
Gjithashtu kanë shkuar dhe drejtues të lartë të Drejtorisë së Përgjithshme të Policisë së Shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
