Një 43-vjeçar është arrestuar gjatë një aksioni nga inspektorët e Komisariatit të Policisë Kuçovë.
Shtetasi me inicialet I.H, u kap në flagrancë, i veshur me uniformën e policisë, i cili ka mashtruar shumë persona në qytetin e Kuçovës dhe fshatin Lapardha dhe u ka premtuar atyre shërbime kundrejt shpërblimit.
Pas kryerjes së veprimeve proceduriale nga ana e Komisariatit të Policisë Kuçovë, materialet në ngarkim të tij kanë kaluar Prokurorisë së Rrethit Gjyqësor Berat.
43-vjeçari, nga fshati Mbrakull, akuzohet për veprat penale “Vjedhje me anë të mashtrimit” dhe “Përvetësim i titullit të punonjësit të policisë”, vepra penale të parashikuara nga Nenet 143/2 dhe 246 te Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
