Dy persona kanë mbetur të plagosur si pasojë e një aksidenti të rëndë të ndodhur pranë Gramshit, ku një makinë është rrokullisur disa herë dhe ka përfunduar në greminë.
Nga të dhënat paraprake mësohet se një automjet, i cili dyshohet se po lëvizte me shpejtësi të lartë, ka humbur kontrollin.
Për pasojë, mjeti ka dalë jashtë rrugës dhe, për shkak të shpejtësisë, është rrokullisur disa herë, duke përfunduar i përmbysur në anë të rrugës.
Nga aksidenti kanë mbetur të plagosur drejtuesi i automjetit dhe një person tjetër që udhëtonte me të.
Të lënduarit janë nxjerrë nga automjeti dhe janë transportuar drejt spitalit për të marrë ndihmën e nevojshme mjekësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
