Drejtoria Vendore e Policisë Fier ka arrestuar një 27-vjeçar të shpallur në kërkim për veprat penale “Vrasje me dashje”, e mbetur në tentativë, dhe “Armëmbajtje pa leje”.
Specialistët për Hetimin e Krimeve të Rënda në DVP Fier bënë të mundur ndalimin e shtetasit K. B., 27 vjeç, banues në Fier, i cili ishte shpallur më parë në kërkim. Arrestimi u realizua në Kakavijë.
Nga hetimet rezulton se më 5 janar 2025, për motive të dobëta, shtetasi K. B. ka qëlluar me armë zjarri ndaj shtetasit G. H., 42 vjeç, dhe më pas është larguar nga vendi i ngjarjes.
Për këtë rast, Gjykata ka caktuar masën e sigurisë “Arrest me burg”, për veprat penale “Vrasje me dashje”, e mbetur në tentativë, dhe “Prodhimi dhe mbajtja pa leje e armëve, armëve shpërthyese dhe i municionit”.
Shtetasi K. B., u ndalua në Kakavijë nga shërbimet e Policisë Kufitare.
Materialet procedurale iu referuan Prokurorisë së Fierit, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
