Kanabis në oborrin e shtëpisë/ Arrestohet 53-vjeçari në Tepelenë

Polica e Tepelenës ka arrestuar sot një 53-vjeçar të dyshuar për kultivimin e lëndëve narkotike.

Sipas njoftimit të policisë, shtetasi me iniciale Q.Ç.  kishte mbjellë kanabis në oborrin e shtëpisë së tij.

Njoftimi i policisë:

Gjithashtu, goditet një rast i tentativës për kultivim të bimëve narkotike, arrestohet në flagrancë 53-vjeçari.

Shërbimet e Komisariatit të Policisë Tepelenë, në bazë të informacioneve të siguruara, në vijim të  kontrollit në territorit me qëllim parandalimin, evidentimin dhe goditjen e rasteve të tentativës për kultivim të bimëve narkotike, kanë evidentuar dhe goditur një rast të kësaj veprimtarie kriminale.

Në përfundim të veprimeve hetimore, u arrestua në flagrancë shtetasin Q. Ç., 53 vjeç, banues në Tepelenë, pasi në oborrin banesës ky shtetas ka tentuar të kultivojë bimë narkotike.

Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.