Një vdekje e mistershme është shënuar në periferi të Romës ku një shtetas shqiptar 48 vjeç, u gjet i vdekur ditën e martë në shtëpinë e tij në Rocca Priora, një zonën e Castelli Romani.
Mediat italiane raportojnë se shqiptari pasi ka shoqëruar tre fëmijët e tij në shkollë në mëngjes, është kthyer në shtëpi dhe dyshohet se aty është sulmuar.
Alarmi u dha nga familjarët në mesditë, të cilët e gjetën të shtrirë në dyshemenë apartamentit të një pallati në katin e fundit, në via del Sassone 13.
Burri i identifikuar si Petrit Caka, i cili jetonte me gruan dhe tre fëmijët, u deklarua i vdekur nga personeli mjekësor.
48-vjeçari ishte me precedentë penalë për krime ndaj personit dhe ishte frekuentues i ambienteve të basteve. Pikërisht në këto ambiente po vijojnë hetimet nga karabinierët për të zbuluar detaje nga orët e fundit të jetës së viktimës.
Në trupin e shqiptarit u konstatuan mavijosje dhe prerje në fytyrë, të cilat dyshohet të jenë shkaktuar nga një agresion i mundshëm fizik.
Policia po heton për të zbardhur detajet e ngjarjes, ndërsa pista kryesore e dyshimeve është se viktima është rrahur për vdekje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
