Drejtori i Përgjithshëm i Policisë së Shtetit, Muhamet Rrumbullaku, ka shkuar pasditen e së martës në Komisariatin e Policisë Sarandë pas takimit me familjarët e të zhdukurve Leonard Thodhori dhe Fatmir Sulovari. Sipas informacioneve, mësohet se qëllimi i vizitës së Rrumbullakut është për të parë nga afër punën hetimore dhe kërkimore që po bëhet për gjetjen e dy të zhdukurve.
Së bashku me grupin hetimor të Policisë së Sarandës, drejtuesi i Policisë së Shtetit do të zhvillojë një analizë të punës së kryer lidhur me këtë ngjarje.
Ditën e martë, familjarët e dy të zhdukurve protestuan përpara drejtorisë së Policisë së Shtetit dhe u takuan Kryepolicin Muhamed Rrumbullaku ku ky i fundit i ka njohur ata me punën hetimore dhe kërkimore të strukturave të Policisë së Shtetit, në bashkëpunim me agjencitë ligjzbatuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
