Masivi pyjor i fshatit Lajthizë në njësinë Administrative të Oroshit në Mirditë është përfshirë nga flakët e zjarrit gjatë orëve të drekës ditën e sotme. Zjarri ka qenë aktiv për disa orë në një sipërfaqe të konsiderueshme.
Në terren ndodhen zjarrfikësit dhe punonjësit e shërbimit pyjor dhe aktualisht nuk përbën rrezik për zonën e banuar, pasi vatra e zjarrit në masivin pyjor është arritur të izolohet brenda 5 orësh.
Sipas kryebashkiakut të Mirditës, Ndrec Dedaj, zjarri ka përshkuar rreth 2 hektarë pyje, por falë ndërhyrjes së shpejtë të zjarrfikësve dhe punonjësve të shërbimit pyjor është bërë e mundur shuarja e flakëve, duke shmangur kështu dëmet e mëdha që mund të shkaktoheshin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
