Një ngjarje e rëndë është shënuar mbrëmë në një fshat të Klosit ku si pasojë e djegies së banesës ka humbur jetën një 80-vjeçare. Ngjarja ka ndodhur në fshatin Plesh të Bashkisë Klos, ku Behije Dalti u shkrumbua nga zjarri i rënë në banesën e saj.
Kanë qenë komshinjtë që kanë vënë re flakët në shtëpinë e të moshuarës duke i shkuar menjëherë në ndihmë, por neutralizimi i tyre ka qenë i pamundur për shkak se kishte marrë përmasa të mëdha.
As ndërhyrja e shërbimit zjarrfikës nuk ka arritur t’i shpëtojë jetën të moshuarës e cila ka gjetur vdekjen mes flakëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
