Prokuroria e Fierit ka kërkuar masën e sigurisë “arrest me burg” për dy prej vajzave që u përfshinë në rastin e rëndë të dhunimit të 17-vjeçares në Fier, ndërsa ndaj vajzës tjetër të përfshirë është caktuar masa “arrest shtëpie.
“Arrest me burg” është kërkuar për 19-vjeçaren L.L. Ndaj një 15-vjeçareje me inicialet M.K. është kërkuar masa e sigurisë “arrest me burg”, ndërsa është urdhëruar trajtimi i detyruar në një spital psikiatrik.
Po ashtu, ndaj 15-vjeçares tjetër me inicialet K.D., është caktuar masa e sigurisë “arrest në shtëpi”.
Masat e sigurisë pritet t’i nënshtrohen shqyrtimit për vlerësim në Gjykatën e Fierit brenda afatit ligjor prej 72 orësh.
Rasti ka ngjallur reagime të shumta në opinionin publik, pasi pamjet e dhunës ndaj të miturës u shpërndanë gjerësisht në internet. Hetimet për zbardhjen e plotë të rrethanave të ngjarjes vijojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
