Ministria e Arsimit me anë të një reagimi në faqen zyrtare hedh poshtë pretendimet e përfaqësuses së Partisë Demokratike Albana Vokshi, e cila një ditë më parë deklaroi se mësuesit nuk paguhen për orët shtesë. MASR thotë se për muajin shtator janë 14 mijë mësues që kanë përfituar nga orët shtesë, në bazë të tre mënyrave se si llogariten ato.
E para sipas MASR është kur mësuesi kryen 270 minuta shtesë për orë 45 minutëshe dhe dalin 6 orë shtesë. Tek e dyta, kur dalin 300 minuta për orë 45 minutëshe, dalin 7 orë shtesë, kurse tek e treta 100 minuta për orë 45 minutëshe, dalin dy orë shtesë plus pesë orë për klasë kujdestari llogaritet në 7 orë.
Ndërkohë edhe Albana Vokshi solli disa shembuj se si orët shtesë të mesuesve nuk paguheshin.
NJOFTIMI NGA MINISTRIA E ARSIMIT
MASR – SQARIM MBI PAGESËN E ORËVE SHTESË PËR MËSUESIT
Në lidhje me pagesën e orëve shtesë për mësuesit dhe pretendimin e ngritur nga opozita se mësuesit bëjnë në javë mbi 40 orë, por paguhen vetëm për 5-6 orë, MASR dëshiron të sqarojë opinionin publik se ky është keqinterpretim shifrash në përllogaritjen e kohës shtesë, pasi barazohen orët 45 minutëshe me ato 25 ose 30 minutëshe.
Theksojmë se për muajin Shtator janë rreth 14 mijë mësuesit e sistemit arsimor parauniversitar që kanë përfituar pagesë për orët shtesë të kryera.
Sipas përllogaritjeve, pagesa ndaj një mësuesi nga orët shtesë shkon deri në 8,500 lekë në muaj. Sqarojmë gjithashtu se mësuesit punojnë në klasa që janë në gjysmën e kapacitetit, sipas përcaktimit në udhëzimin për numrin e nxënësve në klasë.
Më poshtë po sqarojmë të tre rastet-ilustrim të paraqitura nga opozita dhe orët shtesë që kryen mësuesi në secilin rast.
RASTI I PARË:
Minuta në kohë normale: 18×45’=810′
Minuta në situatë Covid-19: 36×30’=1,080′
Mësuesi kryen 270′ shtesë ose 270’÷45’=6 orë shtesë.
TË PAGUARA!
RASTI I DYTË:
Minuta në kohë normale: 20×45’=900′
Minuta në situatë Covid-19: 40×30’=1,200′
Mësuesi kryen 300′ shtesë ose 300’÷45’=7 orë shtesë.
TË PAGUARA!
RASTI I TRETË:
Minuta në kohë normale: 20×45’=900′
Minuta në situatë Covid-19: 40×25’=1,000′
Mësuesi kryen 100′ shtesë ose 100’÷45’=2 orë shtesë (plus 5 orë për klasë kujdestari)
7 ORË TË PAGUARA!
Gjejmë rastin të falënderojmë të gjithë mësuesit për angazhimin e treguar në këtë situatë të pazakontë dhe i sigurojmë se mbështetja dhe mirënjohja e MASR për ta nuk do të mungojë kurrë!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
