I pashoqëruar nga avokati, biznesmeni Orest Sota është pyetur sot nga oficerët e BKH.
MCN mëson se marrja në pyetje e Sotës është bërë me kërkesë të prokurorëve Altin Dumani dhe Bledar Maksuti.
Sota është pyetur për raportet me biznesmenin Ergys Agasi dhe transaksionet ne pasuri të paluajtshme që ka me Agasin.
Burimet bënë të ditur për MCN se biznesmeni Sota ka hyrë në institucionin e kauzës përmes derës së dedikuar për prokurorët.
Ende nuk dihet kush e ka dhënë urdhrin që biznesmeni Orest Sota të futet nga dera e pasme e SPAK për t’iu shmangur kamerave dhe medias që zakonisht pozicionohen në hyrjen kryesore.
Sota nuk është emër i panjohur për drejtësinë në vend. Pak vite më parë, ai u arrestua në makinë me 680 mijë euro dhe me patentat e ish-ministrit të Brendshëm, Saimir Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
