“Fazat” u kodua një operacion i policisë së Korçës gjatë të cilit u arrestuan dy bashkëshortë të cilëve iu gjet në shtëpi 5.8 kg lëndë narkotike kanabis sativa, të cilën e kishin përgatitur për ta trafikuar në Greqi.
Në kuadër të operacionit u arrestuan në flagrancë Fatos Sala, 48 vjeç, dhe gruaja e tij Era Sala, 31 vjeçe, banues në Devoll, për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Trafikimi i narkotikëve”.
Gjatë kontrollit në banesën e tyre shtetasve, shërbimet e policisë kanë gjetur rreth 5.8 kilogramë lëndë të dyshuar narkotike kanabis, që ata e kishin përgatitur për ta trafikuar në Greqi.
Nga hetimet dyshohet se këta shtetas, në bashkëpunim me njëri-tjetrin, e kanë prodhuar lëndën nga bimët narkotike që kanë kultivuar në tokën e tyre, në vendin e quajtur “Lagjja e Fundosur”.
Në ngarkim të tyre materialet iu referuan Prokurorisë Korçë për ndjekje të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
