Një konflikt mes dy personave ka ndodhur në Orikum, i cili ka agravuar në përdorimin e sendeve të forta. Sipas policisë, dy drejtues mjetesh, turistë, kanë përplasur makinat e njëri-tjetrit dhe më pas të dy kanë dalë nga automjetet dhe kanë filluar të konfliktohen duke u goditur me sende të forta. Në konflikt janë përfshirë dhe disa prej pasagjerëve të dy makinave.
“Më datë 09.07.2021, rreth orës 19:55, në aksin Llogara-Orikum, në afërsi të një lokali, dy drejtues mjetesh, dyshohet se si pasojë e një konflikti të çastit për motive të dobëta, janë konfliktuar me njëri-tjetrin me sende të forta duke u përfshirë në konflikt dhe disa prej pasagjerëve. Nga verifikimet e bëra nga shërbimet e Policisë, nuk ka persona të dëmtuar. Në vendin e ngjarjes ndodhen shërbimet e Policisë dhe po punohet për sqarimin e rrethanave të ngjarjes, identifikimin dhe kapjen e personave të përfshirë në konflikt”, njofton policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
