Gjyqtarja e Apelit të Tiranës, Flutura Skënderi, nuk e ka kaluar vetingun.
Komisioni i Pavarur i Kualifikimit vendosi të shkarkojë gjyqtaren pasi vërejti probleme në deklarimin e pasurisë dhe atë profesional.
Gjatë seancës dëgjimore u identifikuan pasaktësi dhe mospërputhje si dhe një balancë negative prej 2.8 milionë lekësh. Komisioni ngriti dyshime për situatë të konfliktit të interesit në gjykimin e dy çështjeve –por gjyqtarja Skënderi tha se nuk kishte qenë në konflikt.
Flutura Skënderi e ka filluar karrierën në sistemin e drejtësisë në vitin 1993 në Gjykatën e Rrethit Gjyqësor Tiranë. Një vit më vonë ajo është emëruar në Gjykatën e Apelit Tiranë, ku edhe e ushtron aktualisht funksionin e gjyqtares.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
