Një autobus me turistë shqiptarë është aksidentuar këtë të shtunë në Maqedoni. Sipas mediave maqedonase, të plagosur kanë mbetur disa persona, ndërsa mes tyre edhe një 14-vjeçar.
I plagosur rëndë ka mbetur edhe shoferi i autobusit. Të gjithë turistët mësohet se janë shtetas shqiptarë, ndërsa të plagosurit kanë marrë dëmtime të lehta.
“Më 26.06.2021 rreth orës 06.10 në SPB Manastir është denoncuar se në rrugën magjistrale Manastir – Prilep, autobusi me targa të Shqipërisë ka dalë nga korsia.
Në fatkeqësi shoferi i autobusit L.M.(48) nga Shqipëria ka pësuar lëndime të rënda trupore, ndërkaq tre udhëtarë M.H.(46), G.M.(37) dhe një 14-vjeçar, të gjithë nga Shqipëria kanë pësuar lëndime të lehta trupore, të konstatuara në Spitalin Klinik në Manastir”, kanë njoftuar autoritetet e policisë maqedonase.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
