Shërbimi Spitalor Klinik dhe Universitar i Kosovës përmes një njoftimi në rrjete sociale ka bërë të ditur se bazuar në raportimet e klinikave të Qendrës Klinike Universitare, asnjë pacient i infektuar me virusin COVID-19 më nuk është duke u trajtuar në QKUK.
Sipas SHSKUK-së, në QKUK po trajtohen 29 pacientë post COVID-19, kurse në spitalet e përgjithshme janë 6 pacientë.
Prej numrit të përgjithshëm të pacientëve, nëntë pacientë janë me oksigjeno-terapi, kurse në mjekimin intensiv të Klinikës Infektive nuk ka pacientë.
“Raporti sipas klinikave dhe spitaleve të përgjithshme. Klinika Infektive, 4 pacientë post-covid. Klinika e Pulmologjisë, 23 pacientë post-covid. Mjekimi Intensiv i Klinikës Infektive, nuk ka pacient. Spitali i Gjakovës, pesë pacientë, Spitali i Prizrenit, një pacient. Spitali i Pejës, dy pacientë. Spitali i Ferizajt, dy pacientë”, thuhet në njoftimin e SHSKUK-së.
Ndryshe, Instituti Kombëtar i Shëndetit Publik në Kosovë gjatë ditës së diel ka raportuar shtatë raste pozitive me COVID-19 dhe asnjë të vdekur.
Numri i të infektuarve ka ardhur nga një mijë e 11 mostra të marra nga Shërbimi Spitalor dhe Klinik Universitar i Kosovës.
871 mijë e 970 persona janë vaksinuar me dozën e parë, teksa numri i të vaksinuarve me të dy dozat në Kosovë ka arritur në 772 mijë e 388.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
