Një i vdekur dhe 20 raste të reja me Covid-19 në Kosovë

Një person ka vdekur dhe 20 raste me Covid-19 janë regjistruar në 24 orët e fundit në Kosovë.

Sipas njoftimit nga Ministria e Shëndetësisë 19 persona janë shëruar, ndërkaq janë kryer 1.891 teste.

Që nga fillimi i pandemisë janë konfirmuar 107.693 raste me COVID-19, 2.254 persona kanë vdekur, janë shëruar 105.274 dhe janë kryer 661.107 teste.

Sa i takon procesit të vakisnimit, në 24 orët e fundit janë dhënë 3.669 doza të vaksinës kundër Covid-19.

Prej fillimit të vaksinimit në të gjitha qytetet e Kosovës janë dhënë 144.685 doza të vaksinës.

Deri më sot 22.906 qytetarë janë vaksinuar me dozën e dytë.