Një ngjarje e rëndë ka ndodhur pasditen e sotme në qytetin e Fierit ku një 16-vjeçar është vrarë me thikë pas një përleshjeje të ndodhur pranë një shkolle.
Policia tha se rreth orës 16:30, shtetasi Dionis Vrenozi nga Hoxhara e Vjetër është dërguar në gjendje të rëndë në spital ku më pas ka humbur jetën si pasojë e plagëve të marra nga goditjet me thikë.
Ngjarja e rëndë ka ndodhur në vendin e quajtur "Zogu i Zi", pranë gjimnazit "Janaq Kilica", ndërsa blutë e qytetit të Fierit janë njoftuar për ngjarjen nga urgjenca e spitalit të qytetit, pasi mjekët kanë konstatuar se 16-vjeçari ishte qëlluar me thikë..
Krimi ndodhi pas një sherri mes tre të rinjve, ku veç 16-vjeçarit që mbeti i vdekur më pas, në konflikt janë përfshirë dhe autori i dyshuar Florian Gega 17 vjeç dhe një bashkëmoshatar tjetër i tij që është larguar nga vendi ngjarjes.
Dy orë pas ngjarjes së rëndë, 17-vjeçari Gega është vetëdorëzuar në polici.
Specialistët për Hetimin e Krimit kanë bërë arrestimin në flagrancë per vepren penale "Vrasje me dashje".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
