Pas lajmit se ka abuzuar me një person me aftësi të kufizuara, ka reaguar edhe shtetasi Dionis Myrtollari. Rasti është regjistruar në Korçë, ndërsa i akuzuari është shprehur se asnjë nga akuzat e ngritura ndaj tij nga nëna e djalit nuk qëndron, ndërsa tha se policia duhet ta hetojë rastin.
40-vjeçari shprehet se i është dëmtuar imazhi ndërsa thekson se fëmijët e tij kanë frikë të dalin nga shtëpia pasi familja Qazimllari i godet me gurë. “Nuk pranoj asnjë prej akuzave, komshinjtë e mi kanë probleme me shëndetin mendor, jam gati të vijë policia dhe të hetojë gjithçka. Në rast se vërtetohet edhe gjëja më e vogël mund të më varni në mes të fshatit. Më është dëmtuar imazhi, jam babai i tre fëmijëve që kanë frikë të dalin nga shtëpia sepse ajo familje i godet me gurë. Turp për policinë e cila nuk merr masa dhe dëmton imazhin e një njeriu të thjeshtë si unë”, thotë 40-vjeçari.
Ndërkohë, në mbrojtje të tij kanë dalë banorët e fshatit. “Dionisi është një djalë i mirë, nuk është fare problematik dhe nuk ka bërë asgjë nga këto që thotë ajo familja. Ajo familje është e shkatërruar dhe me probleme mendore. Kërkojmë që të zbardhjet ngjarja, për këtë arsye jemi të gjithë këtu në mbështetje të Dionisit”, kanë thënë ata.
Ativie Qazimllari, denoncoi fqinjin e saj se ka rrahur dhe abuzuar seksualisht me djalin me probleme të shëndetit mendor.Për mediat ajo tha se 40-vjeçari në mënyrë periodike ka ushtruar dhunë fizike dhe verbale ndaj tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
