“Arrest me burg” ka caktuar Gjykata e Tiranës ditën e sotme si masë sigurie për 40-vjeçaren Marsela Pushani, e cila akuzohet për vrasjen e motrës së saj Amanda Pushani 37 vjeçe.
Në seancën e sotme Pushani ka pranuar krimin, duke shprehur pendesë dhe duke e argumentuar ngjarjen me kushtet e vetëmbrojtjes.
Po ashtu Marsela Pushani ka kërkuar masë më të lehtë sigurie, duke deklaruar se nuk ka kush të kujdeset për nënën e moshuar.
Gjatë marrjes në pyetje në polici, autorja e dyshuar ka pranuar ngjarjen, duke thënë se gjithçka e bëri për vëtëmbrojtje, pasi viktima ishte e alkoolizuar dhe ushtronte dhunë ndaj saj dhe mamasë së tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
