Tre persona ranë në prangat e Policisë së Tiranës pasi u kapën në flagrancë duke shitur kokainë.
Tre të rinjtë janë arestuar në afërsi të një qendre tregtare, ndërkohë që iu sekuestrua lënda narkotike.
Në njoftim thuhet:
“Finalizohet pas disa muajsh hetime, nga Seksioni për Hetimin e Narkotikëve, në drejtimin e Prokurorisë, operacioni policor i koduar “Collaboration 2”. U kapën në flagrancë në momentin e shitjes së një sasie kokaine, vihen në pranga 3 shtetas. Sekuestrohen 107 gramë lëndë e dyshuar narkotike kokainë dhe 3 celularë. Si rezultat i hetimeve të kryera për disa muaj, nga Seksioni për Hetimin e Narkotikëve, në drejtimin e Prokurorisë, për veprimtarinë kriminale të shitjes së lëndëve narkotike, që kryhej nga 3 shtetas, është finalizuar operacioni policor i koduar “Collaboration 2”, në kuadër të të cilit u arrestuan në flagrancë shtetasit: I. C., 21 vjeç, A. C., 21 vjeç dhe Xh. M., 19 vjeç, të tre banues në Tiranë. Këta shtetas janë kapur në flagrancë, në afërsi të një qendre tregtare, në momentin e shitjes së një sasie kokaine (107 gramë), e cila iu gjet shtetasit Xh. M., gjatë kontrollit fizik”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
