Një tërmet i ri ka goditur Kroacinë pak minuta më parë, raportojnë mediat kroate.
Zona e Petrinjes u godit nga një tërmet i fortë sot pasdite! EMSC raporton se ishte deri në 6.3 të shkallës Rihter! Sipas mediave kroate, tërmeti u ndje i forte edhe në Zagreb.
Sipas raportimeve dridhjet kanë zgjatur 20 sekonda.
Një fëmijë 12 vjeç raportohet të ketë vdekur si pasojë e tërmetit të fuqishëm që goditi Petrinjën në Kroaci, ka njoftuar kryebashkiaku Darinko Dumboviç.
Ai ka shtuar se “gjysma e qytetit nuk ekziston më”.
Qyteti tjetër i goditur shumë është Sisaku.
Në raportimet e para janë deklaruar dëmtime në ndërtesa, por nuk ka ende një raport për numrin e saktë të të lënduarve.
Kroacia është goditur nga një tërmet tjetër dje me magnitudë 5.2 shkallë. Mësohet se epiqendra e tërmetit ka qenë 50 km në juglindje të Zagrebit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
