Trupi i pajetë i një personi që rezultonte i zhdukur prej disa javësh në Shqipëri është gjetur në Maqedoninë e Veriur.
Identiteti i viktimës është Riku Beu, 35-vjeç, i cili së bashku me familjen ishin banues në Kavajë, në fshatin Kryevidh.
Trupi i 35-vjeçarit është gjendur i groposur në periferi të Shkupit, ndërsa është identifikuar nga familjarët e tij.
Autoritetet shtetërore në Shkup kanë kryer të gjitha verifikimet, në bashkëpunim edhe me homologët shqiptarë.
Analiza e ADN-së dhe materiali gjenetik i marrë nga trupi i pajetë, rezulton se përputhet me shenjat e gishtave të Riku Beut.
Kujtojmë këtu se policia shqiptare, por dhe ajo maqedonase, e kanë pasur të skeduar 35-vjeçarin Riku Beu dhe dispononin gjurmë të gishtave të tij.
Trupi i Rikut ishte gjetur prej disa ditësh, por vetëm pesë ditë më parë një polici njoftoi familjen, e cila u nis për në Shkup. Krahasimi i ADN-së në trupin që u gjet i groposur në Shkup, përputhet me shenjat e gishtave të Riku Beut, i cili rezultonte i humbur që prej datës 7 mars 2020.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
