Eksploziv makinës së kreut të Sindikatës së Minatorëve në Bulqizë, arrestohet i vëllai

Zbardhet ngjarja e ndodhur mesnatën e kaluar, ku kreut të Sindikatës së Minatorëve të Bulqizës iu vendos tritol në makinë, ndërsa është arrestuar vëllai i tij.

Burime zyrtare nga policia bënë me dije se nw pranga eshte vene shtetasi Alfred Debreshi, 29 vjeç.

Dyshohet se 29-vjeçari është autori i vendosjes së lëndës plasëse në automjetin tip ‘Mercedez Benz’, në pronësi të vëllait të tij Eltonit. Sasia e lëndës plasëse ka qenë e vogël e për pasojë ka pasur vetëm dëme materiale.

Materialet procedurale i kaluan Prokurorisë pranë Gjykatës së Shkallës së Parë Dibër për veprat penale “Shkatërrimi i pronës me eksploziv”; “Mbajtja pa leje e lëndëve plasëse” dhe Deklarim i rremë para oficerit të policisë gjyqësore”