Gjykata e Krujës ka caktuar masën e sigurisë “Arrest në burg” për 56-vjeçarin Shaban Murati, i akuzuar për përdhunimin e një 24-vjeçareje. Kjo e fundit me problem të shëndetit mendor.
Teksa ka dalë para togave të zeza, Murati përveç gjeneraliteteve të tij nuk ka treguar asgjë tjetër. I pyetur nga gjykata lidhur me ngjarjen, 56-vjeçari ka zgjedhur të heshtë. Murati u identifikua nga policia dhe prokuroria e Krujës, pas testit të ADN-së që u krye për të krahasur profilin e personit të arrestuar me profilin e foshnjës që kishte lindur 24-vjeçarja.
Pas analizave të kryera ka rezultuar se foshnja i seksit mashkull, ka të njëjtin profil gjenetik me Shaban Muratin. Nisur nga ky konkluzion Prokuroria e Krujës ka kërkuar arrestimin e menjëhershëm të 56-vjeçarit Shaban Murati, për akuzën e “Marrëdhënies seksuale me persona të pazotë për t’u mbrojtur”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
