Gazetari Xhevair Zhabina tha në studion e MCN Live se të interesuarit e parë për të gjetur hapësira në ligjin për paqen fiskale janë grupet kriminale.
Duke vijuar Zhabina tha se ky ligj penalizon ata që paguajnë dhe favorizon informalitetin.
Te interesuarit e parë për të gjetur xhepa në ligjin për paqen fiskale janë grupet kriminale. Duke qenë se jemi ekonomi që e ka bërë pjesë integrale paranë e pistë apo të zezë, dhe të interesuarit e parë janë grupet kriminale. Ky ligj penalizon ato që paguajnë, favorizon informalitetin, sjell kulturë që të mos paguash.
Pikëpyetje e madhe është kush është lista e bizneseve që përfitojnë nga paqja fiskale. Nëse kemi biznese si Bankers që mund t’i falen detyrimet ky është diskutim shumë i madh. Duhet të presim nëse do bëhet ndonjëherë publike për të kuptuar se për këtë është bërë kjo falje e detyrimeve.
SPAK na thotë që ka të identifikuar që ndërtimi është lavatriçja e madhe e parave të pista, por sekuestrimi ecën me hapin e breshkës. Është hetim që ecën ngadalë, ndërtimi ecën me ritme të shpejta. SPAK thotë që është lënë vetëm nuk ka kallëzime nga institucione të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
