Një automjet është djegur pak para mesnatës të premtes në lagjen “24 Maji” në Vlorë. Sipas informacioneve të policisë, ngjarja ka ndodhur rreth orës 23:55, ndërsa nuk ka patur të lënduar në njerëz por vetëm dëme materiale.
Një grup hetimor po punon për zbardhjen e rrethanave të ngjarjes dhe shkakut të rënies së zjarrit.
“Më datë 09.04.2021, rreth orës 23:55, në lagjen ‘24 Maji’, Vlorë, ka rënë zjarr dhe është djegur pjesërisht një mjet i markës ‘Opel’, në pronësi të shtetases A. T., banuese në Vlorë. Grupi hetimor po punon për zbardhjen e rrethanave të ngjarjes dhe shkakut të rënies së zjarrit”, njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
