Policia e Elbasanit ka vënë në pranga një 38-vjeçar, pasi në servisin në pronësi të tij, janë gjetur 25 automjete të ndryshme pa dokumentacion përkatës.
Sipas policisë, në pranga është vënë shtetasi E. Ç., banues në Elbasan, i cili makinat e mësipërme dyshohet se i përdorte për pjesë këmbimi.
Njoftimi i policisë
Specialistët për Hetimin e Krimit Ekonomik dhe Financiar në DVP Elbasan, në vijim të punës për parandalimin, evidentimin dhe goditjen e informalitetit dhe kontrabandës, arrestuan në flagrancë shtetasin: E.Ç., 38 vjeç, banues në Elbasan.
Arrestimi i tij u bë pasi gjatë kontrollit në servisin e tij, Policia gjeti dhe sekuestroi në cilësinë e provës materiale 25 automjete të ndryshme për pjesë këmbimi të pa shoqëruar me dokumentacionin përkatës.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Kontrabanda me mallra të tjera”, “Ruajtja ose depozitimi i mallrave kontrabandë”, dhe “Fshehja e të ardhurave”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
