Qindra efektivë të Forcave të Armatosura, të Shërbimit Zjarrfikës, punonjës të Shërbimit Pyjor, të Zonave të Mbrojtura si dhe vullnetarë janë angazhuar në betejën për shuarjen e vatrave të zjarrit që prej nisjes së sezonit veror, duke siguruar atë që është më e rëndësishmja, jetët njerëzore dhe pronën, ka bërë të ditur ministri i Mbrojtjes Niko Peleshi.
Duke shprehur mirënjohjen për këdo që është angazhuar, Peleshi, në një postim në rrjete sociale, i ka quajtur zjarret në vend, të qëllimshme në të shumtën e rasteve.
Sipas tij, piromanët do të dënohet sipas ligjit.
Ju kujtojmë këtyre piromanëve se do të ndëshkohen sipas ligjit. Strukturat e sistemit të mbrojtjes civile dhe Forcat e Armatosura janë në çdo moment në gatishmëri për të ndërhyrë në rast nevoje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
