Zetori bie nga lartësia 3 metra, mes të plagosurve dy fëmijë të mitur

Aksident me pasojë tre persona të plagosur mes tyre dy fëmijë të mitur është regjistruar ne Çermë të Divjakës.

Mësohet se Xhevahir Allkja, kishte shkuar për të punuar tokat bujqësore dhe në motomjetin e tij kishte marrë me vete mbesën 10 vjeçe dhe nipin 8 vjeç.

Dy fëmijët janë ulur në rimorkion e vogël të mjetit, të cilin gjyshi nuk ka mundur ta mbaje drejt gjatë ecjes.

Ai ka dashur të kalojë mbi argjinaturën e lumit, por nuk ka mundur të marrë kthesën duke bërë që mjeti dhe tre personat që ishin në të, të bien nga lartësia tre metër.

Dy fëmijët e vegjël janë zënë poshtë nga mjeti bujqësor gjatë rrokullisjes. Si pasojë e aksidentit dy prej të plagosurve kanë marrë plagë të lehta dhe janë në gjendje jashtë rrezikut për jetën, ndërsa mbesa 10-vjeçare është rëndë.

Ajo pasi ka marrë ndihmën e parë mjekësore në spitalin e Lushnjës është nisur në Tiranë për mjekim të specializuar. Dy fëmijët jetonin me gjyshin pasi babai i tyre ka humbur jetën disa vjet më parë.