Aksident me pasojë një fëmijë të plagosur është regjistruar mbrëmjen e djeshme në qytetin e Vlorës.
Ngjarja ka ndodhur në rrugën “Demokracia”, Vlorë, ku shtetasi A.S., 40 vjeç, duke drejtuar motomjetin e tij ka aksidentuar një fëmijë 5 vjeç.
Fëmija i mitur është dërguar me urgjencë në spitalin rajonal të qytetit për ndihmë mjekësore, ndërsa raportohet se ndodhet jashtë rrezikut për jetën.
Policia në vendin e ngjarjes ka bërë të mundur arrestimin e drejtuesit të motorit, ndërsa është konstatuar se ai lëvizte pa leje drejtimi.
Lidhur me rastin, Materialet u referuan në Prokurorinë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
