“Provat” u kodua një operacion i policisë së Durrësit gjatë të cilit u vu në pranga një 18-vjeçar i cili tentoi të vidhte me dhunë tre shtetase të huaja.
I arrestuari është Dorjan Abazi, 18 vjeç, banues në Durrës, i cili dyshohet se në orët e para të mëngjesit në lagjen, Durrës, ka tentuar t’iu vjedhë me dhunë sendet personale, 3 shtetaseve italiane.
Gjithashtu, nga hetimet dyshohet se ky shtetas, më datë 27 prill, në lagjen nr. 13, ka thyer xhamin e një automjeti dhe ka marrë disa sende personale, dhe më datë 28 prill, ka thyer xhamin e një automjeti dhe ka marrë disa sende personale.
Gjatë kontrollit në banesën e Abazit, u gjetën dhe u sekuestruan një sasi municioni luftarak dhe disa sende të dyshuara të vjedhura.
Në lidhje me hetimet e kryera, u procedua në gjendje të lirë për veprën penale “Moskallëzimi i krimit”, shtetasi E. D., 36 vjeç, banues në Durrës.
Në bashkëpunim me Prokurorinë vijon puna për zbardhjen dhe dokumentimin ligjor të vjedhjeve të tjera që dyshohet se janë kryer nga ky shtetas.
18-vjeçari akuzohet për veprat penale “Vjedhja me dhunë”, mbetur në tentativë, “Vjedhja”, “Mbajtja pa leje dhe prodhimi i armëve, armëve shpërthyese dhe i municionit” dhe “Shkatërrimi i pronës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
