Plagoset aksidentalisht teksa punonte me fadromë një 25-vjeçar në Bulqizë. Ngjarja e rëndë ka ndodhur teksa i riu ishte duke punuar në stogjet e kromit. Mësohet se djali ka humbur kontrollin e fadromës e cila më pas u përmbys duke e zënë poshtë atë.
Mësohet se i plagosuri është Sokol Disha.
Sipas të dhënave nga vendngjarja i riu ka marrë plagë të rënda, e duke qenë se në spitalin e Bulqizës nuk i kanë dhënë shumë shpresë e kanë transportuar urgjentisht drejt spitalit të Traumës në kryeqytet me helikopter.
Policia ka nisur hetimet për ngjarjen, ndërsa pritet të marrë në pyetje edhe familjarët e 25-vjeçarit, për të vërtetuar nëse ka qenë duke punuar me fadromë në mënyrë individuale apo për ndonjë firmë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
