“Bronzi”, zbardh vjedhjet në varrezat e Durrësit

Në vijim të operacionit të policisë së Durrësit, i koduar “Bronzi”, gjatë të cilit u vu pranga një person, të akuzuar për vjedhje në varrezat e qytetit, janë zbardhur tre raste për të cilat dyshohet.

Gjatë operacionit, u vu në pranga 58-vjeçari R. K., i cili u kap në flagrancë duke vjedhur dhe shkatërruar varrezat e qytetit.

Si rezultat i hetimeve të thelluara u bë zbardhja edhe e disa vjedhjeve të tjera që dyshohet se janë kryer nga 58-vjeçari dhe konkretisht:

Më 11 maj 2021, ka vjedhur vazo bronzi në varrezat e qytetit;

Po në këtë, tek varrezat e fshatit Rrashbull, ka vjedhur vazo bronzi;

Më datë 25 qershor 2021, ka dëmtuar disa varre në varrezat e qytetit.

Ndaj të dyshuarit hetimet janë në vijim, ndërkohë që materialet iu referuan Prokurorisë së Durrësit, për ndjekje të mëtejshme.