Një ngjarje e rëndë është regjistruar ditën e djeshme në qytetin e Gramshit ku një vajzë e re ka përfunduar në spital pasi ka konsumuar mbidozë ilaçesh.
Pasditen e djeshme, në spitalin e Gramshit, është dërguar nga familjarët për ndihmë mjekësore, shtetasja E. K., 29 vjeçe, banuese në Gramsh, e cila dyshohet se ka konsumuar mbidozë të ilaçeve që përdorte.
Nuk dihen arsyet që mund ta kenë detyruar të renë të kryejë këtë akt, ndërsa mësohet se aktualisht ndodhet e shtruar në spital ku po merr ndihmën mjekësorë nga bluzat e bardha.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
