Procedohet penalisht për veprën penale “Shkelja e rregullave të mbrojtjes në punë”, administratori i gurores në Kolonjë, në të cilën ditën e djeshme, gjatë punës, u aksidentua një punëtor.
Në vijim të veprimeve procedurale të kryera në lidhje me ngjarjen e ndodhur ditën e djeshme, në një gurore, në të cilën gjatë punës u aksidentua një punëtor, U referuan materialet në Prokurori dhe filloi procedimi penal në gjendje të lirë për shtetasin V. D., 58 vjeç, banues në Ersekë, Kolonjë, me detyrë administrator i gurores.
Procedimi penal ndaj tij filloi pasi në guroren e kompanisë që administron, në afërsi të fshatit Selenicë, Kolonjë, punëtori R. D., 43 vjeç, banues në Ersekë, duke punuar me një makineri, ka mbetur i bllokuar dhe për pasojë ka marrë dëmtime në trup.
Aktualisht 43-vjeçari ndodhet në Spitalin e Traumës, në Tiranë, jashtë rrezikut për jetën.
Lidhur me këtë rast materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
