Një 43-vjeçar shqiptar, por rezident prej vitesh në Itali, është arrestuar në Varese. Shqiptari, identiteti i të cilit nuk bëhet i ditur, ishte i njohur për autoritetet italine. Ai u kap pasi kishte fshehur në dy vila 15 kilogram heroinë dhe 200 gram marijuanë.
Mediat italiane raportojnë se shqiptari kishte në ruajtje dy vilat në Monza e Brianza. Ai vetë shkonte shpesh tek ndërtesat, por kishte lënë si roje dy qenë pitbull.
Ai ishte ndaluar nga karabinierët, kur po udhëtonte me një makinë të fuqishme
Në rripin e sigurimit, policia i ka gjetur edhe disa doza heroinë, të destinuara për shpërndarje. Pasi e kanë dërguar në kazermë, policia ka vendosur që ti kontrollojë edhe vilat, ku ka gjetur sasinë e drogës që ruhej nga dy qentë pitbull.
Nga një vlerësim fillestar, vlera e drogës së konfiskuar do të kishte siguruar një fitim prej afro 500 mijë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
