Një 36-vjeçare me inicialet M.G., e cila ishte shpallur në kërkim në kuadër të operacionit “Faqet Online” është ndaluar nga policia.
Gjykata kishte caktuar ndaj saj masën “arrest me burg” për veprat penale “Kontrabanda me mallra të tjera”, “Fshehja e të ardhurave” dhe “Mospagimi i taksave dhe tatimeve”.
NJOFTIMI
Kapet një shtetase e shpallur në kërkim në kuadër të operacionit "Faqet Online".
Nga specialistët për Hetimin e Krimeve në Komisariatin e Policisë Fier, në bashkëpunim me strukturat e DVP Tiranë, u bë kapja dhe ndalimi i shtetases M. G., 36 vjeçe, banuese në Fier, e shpallur në kërkim në kuadër të operacionit "Faqet Online", i zhvilluar 3 ditë më parë nga Policia e Tiranës.
Për këtë shtetase, Gjykata e Rrethit Gjyqësor Tiranë ka caktuar masën e sigurisë “Arrest në burg”, për veprat penale “Kontrabanda me mallra të tjera”, “Fshehja e të ardhurave” dhe “Mospagimi i taksave dhe tatimeve”.
36-vjeçarja iu dorëzua shërbimeve të DVP Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
