Aksidentoi për vdekje këmbësorin në Durrës, në pranga 19-vjeçari

Aksident me pasojë një person të vdekur është regjistruar mbrëmjen e djeshme në qytetin bregdetar të Durrësit.

Ngjarja ka ndodhur rreth mesnatës, në lagjen nr. 17, ku automjeti tip “Benz” që drejtohej nga 19-vjeçari, ka përplasur shtetasin I. D., rreth 50 vjeç (këmbësor), i cili për shkak të dëmtimeve të marra, ka humbur jetën në spital.

Specialistët e Sektorit të Qarkullimit Rrugor të Drejtorisë Vendore të Policisë Durrës arrestuan në flagrancë shtetasin E. Z., 19 vjeç, për veprën penale “Shkelja e rregullave të qarkullimit rrugor”, me pasojë vdekjen e një personi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.