Një shtetas shqiptar është ekzekutuar ditën e premte në Ekuador. Mediat e huaja raportojnë se viktima është identifikuar si Adriatik Tresa, 45 vjeç. Ngjarja ndodhi në orën 05:00 të orëve të para të mëngjesit të së premtes, ku disa persona të veshur si policë hynë banesën të Treskës, teksa drejtonin dy makina.
Ata arritën të hynin në shtëpinë e shqiptarit duke pretenduar se kishin një urdhër gjykate për të kontrolluar shtëpinë. Në shtëpi gjendeshin Treska dhe gruaja e tij, një grua ekuadoriane e cila u bë dëshmitare e ekzekutimit të 45-vjeçarit. Prokurori Ëalter Jaramillo, i cili po drejton hetimet, shpjegoi se gruaja dhe i ndjeri ishin ulur në një divan dhe kur ajo u ngrit për të kërkuar që t’i tregonin asaj urdhrin e kontrollit, një nga burrat qëlloi Treskën gjashtë herë me pushkë. Siç raportojnë mediat, skena ka qenë e rëndë.
Menjëherë pas kësaj, fqinjët kanë raportuar të shtënat në polici dhe kanë parë vrasësit të largohen me shpejtësi me makinat e tyre. Ndërkohë organet e hetimit kanë dhënë disa detaje në lidhje me këtë ekzekutim.
Sipas tyre, kanë qenë të paktën shtatë persona që morën pjesë në vrasjen e 45 vjecarit, dy shoferë, dy persona që ruanin jashtë banesës dhe tre të tjerë që hynë në shtëpi dhe ekzekutuan shqiptarin, i cili rezulton të jetë i martuar me një grua ekuadoriane dhe mbante dokumenta të rregullta qëndrimi në Ekuador.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
