Një person i shpallur në kërkim për drogë dhe armëmbajtje pa leje, është vënë në prangat e policisë së Matit.
Gjatë operacionit të koduar “Baz”, bazuar në informacionet e marra në rrugë operative, në aksin rrugor Laç-Mamurras, u bë kapja dhe ndalimi i Gjet Daçi, 34 vjeç, banues në Baz, Mat.
Daçi ishte shpallur në kërkim pasi me datë 12 tetor 2021, gjatë kontrollit të ushtruar nga shërbimet e policisë në banesën e tij, i është gjetur dhe sekuestruar një sasi lënde narkotike kanabis dhe një armë zjarri automatik.
Gjykata e Rrethit Mat ndaj këtij shtetasi ka vendosur masën e sigurisë 'Arrest me burg', për veprat penale të lartpërmendura.
Ndaj të dyshuarit hetimet janë në vijim, ndërkohë që materialet iu referuan Prokurorisë së Matit, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
