Një 49-vjeçar është gjetur i pajetë në fshatin Fierzë në Fushë-Arrës. Sipas policisë, shtetasi V. K., prej katër ditësh kishte humbur kontaktet me familjen, të cilët kishin bërë edhe denoncimin.
Gjatë kërkimeve në këtë zonë, 49-vjeçari është gjetur i pajetë në përroin e fshatit, ku dyshohet se ka rënë aksidentalisht.
Njoftimi i policisë:
Më datë 25.01.2023, Policia është njoftuar nga familjarët e shtetasit V. K., 49 vjeç, banues në fshatin Fierzë, Fushë Arrëz, se prej 4 ditësh ata kishin humbur kontaktet me këtë shtetas. Pas kërkimeve të bëra, në përroin e fshatit Fierzë, Fushë Arrëz, është gjetur pa shenja jete shtetasi V. K.
Nga veprimet e para hetimore dyshohet se ky shtetas ka rënë aksidentalisht në përrua.
Grupi hetimor vijon punën për sqarimin e plotë të rrethanave të kësaj ngjarjeje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
