Ka ndërruar jetë në moshën 79-vjeçare diplomati dhe publicisti Shaban Murati.
Lajmin e bën me dije djali i tij, gazetari Erl Murati, përmes një postimi në rrjetet sociale.
I lindur më 2 shtator 1945, Murati ishte një figurë e spikatur në diplomacinë dhe publicistikën shqiptare.
Murati shërbeu si ambasador i Shqipërisë në Maqedoninë e Veriut, Suedi, Norvegji, Finlandë dhe Islandë.
Ai ishte gjithashtu autor i shumë librave, shkrimeve dhe komenteve mbi marrëdhëniet ndërkombëtare dhe rolin e Shqipërisë në to.
Disa nga librat e tij më të njohur ishin: “Serbia kundër Serbisë: Analizë e një gjysmërevolucioni të lënë përgjysmë”, “Enigmat diplomatike të pavarësisë së Kosovës: Fletë nga ditari i një ambasadori”, “Vetëvrasja diplomatike e Shqipërisë dhe Kosovës”,
"Aleanca e duhur Shqipëri-Kroaci".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
